Blog Haqqında

Axtarış

Açar sözlər

Sayqaç

İndi blogda: 1
Keçən ayın hiti: 168
Dünənki hit: 5
Bugünki hit: 8
Ümumi hit: 1048

Müxtəlif

• RSS
• AzeriBlog

ارمنی وحشیلری نین خوجالئ شهرینده تؤره تدیگی سوی قیریمئ

Yazar: بابك دلالي ممقاني @ Mart 27, 2009 12:56 | Bölməsiz | Şərhlər(1)
Baxış sayı: 236
Açar sözlər:

بو گؤروشو درده درمان بیلمیشدیم

Yazar: بابك دلالي ممقاني @ Fevral 8, 2009 21:55 | Bölməsiz | Şərhlər(4)
Baxış sayı: 147
Açar sözlər:

حیات یاشاسین دئیه

چوْخ قوْرخاردیم اؤلومدن

او مندن اوزاق ایكن.

ایندی یاخینیمدادیر

بس نییه قوْرخمورام من؟

*‌*‌*

قوْرخدوم،یادا قوْرخمادیم

«گئدر- گلمز» دیر اؤلوم.

گرچك بودور:اؤلومه

داعواسیز تسلیم اوْلوم.

*‌*‌*

آلدانیب ناغیللارا

اویما اؤلومسوزلوگه.

اؤلوم یاشاملیدیر،

حیات یاشاسین دئیه.

                                                       بختیار وهابزاده

 

Yazar: بابك دلالي ممقاني @ Fevral 8, 2009 21:52 | Bölməsiz | Şərhlər(0)
Baxış sayı: 161
Açar sözlər:

بختيار وهابزاده

Yazar: بابك دلالي ممقاني @ Yanvar 11, 2009 3:04 | Bölməsiz | Şərhlər(0)
Baxış sayı: 176
Açar sözlər:

ياددان چيخماز قاراباغ

ازلي ، ابدي تورپاغيميز قاراباغ

 

نه عجب دؤولت ايميش سئيري – شيكاري قاراباغ

نه گؤزل نعمت ايميش صؤحبتي – ياري قاراباغ.

رشكي – ميشك عنبر ايميش بويي غوباري قاراباغ ،

آب حئيوانيميش انهاري – بيكاري قاراباغ .

كوثري طوبي ايميش چايي – چيناري قاراباغ

عالم جنّت ايميش دار – دياري قاراباغ .

ايندي بيلديم نه ايميش وصف هزاري قاراباغ

يئري دير كي ، چكرم آه و زاري قاراباغ .

داغلاييبدير مني بير لاله عذاري قاراباغ

يانديريب دير مني بير نار نيگاري قاراباغ .

 

                 سيِّد نيگاري ( 19 اونجو عصر آذربايجان شاعيري )

 

Yazar: بابك دلالي ممقاني @ Dekabr 15, 2008 1:41 | Bölməsiz | Şərhlər(0)
Baxış sayı: 0
Açar sözlər:

doktor cavad heyetin suleyman demirele yazdigi mektubdan bir qismeti

مسلمان آذری قارداشلاريميزين فجيع دورومونو و تاريخي دوشمانلارﺉ اورتاسيندا يالقيز،كيمسه سيز قالديقلاريني آچيقلاماغي لازيم گؤرمورم.بوسنيادا دينداشلاريميزا ائديلن صئرب-كروات ظولم و تجاووزونه اوره ييميز سيزلاركن،اوزاقدا اولدوغوموز اوچون تاثيرلي بير يارديم ائده بيلمه ديييميزدن ويجدان عذابي چكيريك. بونون آجيسيني دوياركن لاپ يانيميزدا،گؤزوموزون اؤنونده آذری قارداشلاريميزين داها آجي و داها قورخونج فلاكتينه شريك اولوروق.بو گون آرازين قوزئيينده كي دينداش و سويداشلاريميز،يعني قارداشلاريميز تاريخده آز راستلاشديغيميز بير فاجيعه و سوی قيريمينا(قتل عام) معروض قالميشلار،هم ده بؤيوك بير ميللت و يا گوجلو بير دؤولت طرفيندن دئييل،بوتون تاريخ بويو حيمايه ميز آلتيندا ياشايان و عدالتيميز سايه سينده بوتون اينساني حاقلاردان فايدالانان ارمني لر طرفيندن!...بئله بير دوروم قارشيسيندا مسلمان دونياسينين،توركلرين،توركيه و ايران ايسلام جمهوريتينين و اولوسلاريميزين وظيفه و مسوليتلری نه اولا بيلر؟بو مظلوم،سيلاحسيز،اوردوسوز و اسارتدن يئنيجه چيخميش قارداشلاريميزئ يالقيزمئ بوراخمالئ ييق؟ارمني – داشناك اوردوسونون اونلارين يوردلارينا حياسيزجاسينا تجاووزونه ،قادين و كيشيلريني،قوجا و اوشاقلاريني آجيمادان اؤلدورمه لرينه تاماشاچئ مئ قالاجاغيق؟بو،بيزلرين شرفينه،توركلويه و مسلمانليغا،نهايت،اينسانليغا ياراشارمئ؟بو،بيزيم شانلئ تاريخيميزه سيغارمئ؟...سايين باشقان،لطفاً،مني عفو ائدين،بو سطيرلري گؤز ياشلاريمين قاباغينئ آلا بيلمه دن يازيرام و بو آندا الله تعالي دان خاليميزا قورتولوش،يا دا اؤزومه اؤلوم ايسته ييرم. ...بوگون منيم اليمدكي قلم – كاغيذ و قورو نفسيمدن باشقا بير شئييم يوخدور.اونلاريدا مظلوم خالقيميزين يولوندا سئوه-سئوه وئرمه يه راضئ يام.بيليرم كي،بو گون خالقيمين قلمدن چوخ سونگويه احتياجئ واردير.آلتين قلم صاحيبينين آدسيز موسولينييه خيطاباً يازديغئ شعري:قلم،فيرچا نه دير؟بيرر اويونجاق،شاه اثرلر سونگولرله يازيلير آنجاق!-سانكي بيزيم بو گونوموز اوچون سؤيله ميشدير.بئله بير دورومدا ايستر – ايسته مز بو سوآل لار قارشيسيندا قاليرام:عجبا،بو گون بيزده بير صلاح الدين ايوب يوخدورمو؟بيز سلجوقلولارين اؤولادلارئ دئييليك مي؟عجبا،نوري پاشا،علي احسان پاشا و انور پاشالارين نسلي قوروموش مو؟بيلديگينيز كيمي، ١٩١٨ اينجي ايلده چار قوشونو توركيه يه گلمك مقصدي ايله باكئ نئ ايشغال ائتميش،سونر‹‹ا آذربايجان آراسينداكئ كؤرپو و يوللارئ داغيتديلار››،-دئيه اونلارئ قيرماغا باشلاميشديلار.او زامان عوثمانلئ دؤولتي مغلوب اولموش ،بؤلونمه و داغيلما عرفه سينده قالميشدئ.بئله بير بؤحرانلئ وضعيتده مرد،ايگيد بير تورك گئنرالئ اولان نوري پاشا كوماندانليق ائتدييي تورك عسگرلري ايله ايسلام اوردوسو آدينا آذري كؤنوللولري ايله بيرليكده آذربايجانا يورودو و باكئ نئ،باكي لئ قارداشلارينئ ارمني ايستيلا و قيريميندان قورتاردئ.بو گون توركيه نين وضعيتي هر باخيمدان  عوثمانلئ دؤولتينين ١٩١٨ اينجي ايل دؤوروندن گوجلودور.داخيلده كورد مسئله سينين اوْلدوغونو بيليريك و بونا قارشئ چوخ اوزونتو دويوروق.فقط،بو و يا هر هانسئ باشقا بير مسئله توركيه نين و تورك ميللتينين گوجونو توكنديريب مسوليتيني آرادان قالديرا بيلمز.ايراندا پهلوي رئژيمينين قاليقلاريندان اولان بعضي آشيرئ آرياپرست ميللتچي لر و عيرقچيلر ايسلامين و توركلويون عليه اينه اولدوقلاريندان،دينسيز،تجاووزكار ارمني لري مسلمان آذريلردن اوستون توتورلار.بونلار حؤكومت و جمعيت ايچينده مظلوم آذربايجانلئ لارين عليه اينه منفي تاثير ياراديرلار.آما توركيه ده وضعيت بونون تام ترسينده دير.اوراداكئ ميللتچي لر بو آجئ و غيري اينساني حيس و ملاحظه لري تلافي ائتمه ليديرلر.عجبا،اونلار نه اوچون سوسورلار،مسلمان سويداشلارينين سوي قيريمينا نئجه گؤز يومورلار؟...ايران ايسلام جمهوريتي خصوصيله  سوْن زامانلاردا هومانيتار يارديم گؤسترمكده دير.بيز حؤكومتيميزدن داها فعال داورانماسينئ گؤزله ييريك.فقط،قارداشلاريميزئ دا،دوران و بهانه آرايان آمئريكانئ و هم فيكيرلريني ده نظره آلماق مجبوريتينده ييك.بونا گؤره و داها باشقا سبب لره گؤره حؤكومتيميزدن بوندان آرتيق داها بير ايش اوما بيلمه ريك....توركيه دؤولتينين خاريجده و داخيلده بير سيرا چتينليك لري وارسا دا،تورك ميللتينين،آيدينلارينين،خصوصيله تورك ميللتچي لرينين گؤزلري اؤنونده قارداشلارينين فاجيعه لي شكيلده و حقارتله سوْي قيريمينا سئيرچي قالمالارئ باغيشلانيلماز بير گناه دير. 

Yazar: بابك دلالي ممقاني @ Sentyabr 30, 2008 14:12 | Bölməsiz | Şərhlər(0)
Baxış sayı: 126
Açar sözlər:

  Yazılar cəmi: 6